Isnin, 29 Ogos 2011

Penabur Berita Pegari RTM Iban, Laja Sanggin udah nadai kena 28-08-2011


KUCHING: Pemidang seiku bansa Iban ke ngembuan peneleba sereta penau ba pengawa penabur berita di Radio, Televisyen Ma­laysia (RTM) Seksyen Iban, ukai pekara ke muntang diganti.

Laja Sangin, 54, ari Sg Ruan, Saratok, ke ada kena 7 Mei 1957, endang orang ke chukup pegari ba progrem Iban, ke udah gawa enggau RTM ari taun 1977 ba Bagi Iban, sereta nyadi penge­luar progrem wai.fm nadai pagi kemari, urung pukul 9.45 pagi ba palan perubat Timberland.
Iya ninggal ke balu, Fanny Reginald enggau seiku anak lelaki, Gabriel Andoh anak Laja endang udah betapi enggau igi penyakit riman perut ke ditemu lutor ba bulan June, 2010 ngu­jungka iya beputung ba bulan Julai 2010.
Dalam kandang setaun nya, niang Laja taja pen betapi eng­gau igi penyakit baka nya, tetap ngereja pengawa iya baka selama lalu suah mega betemu enggau seduai bini iya ngirup pagi ba King’s Centre tauka betemu enggau seduai melaki bini besem­biang ba gerija All Saints’ Church, Tabuan Dayak.
Lebuh berandau enggau bini iya, Fanny madahka, seminggu sebedau iya nadai, niang Laja bisi dipasuk ngagai sepital baru laban beputung perut anak iya.
Nangkan nya, tembu bepu­tung, iya dikemendarka pulai ke rumah datai ke pagi kemari, iya bisi napi penanggul bekaul enggau penyakit ke nyau udah ngerampit ngagai tungkul sengayuh iya mimit, ke terus dianjung sida iya ngagai sepital Timberland baru.
Utai ke ngenyinuka ati iya (Fanny) ku iya, lebuh niang Laja nemu umur diri enda panjai, alai iya ngasuh semua sida sebilik begempuru lalu minta ampun ngagai tiap iku sida iya.
Enda mukai-mukai, nyangka Tuhan lebuh sayau ke iya, Laja madamka seput iya dalam urung pukul 9.45 pagi ke sama dikemataka bini enggau anak iya, sereta bala kaban belayan bukai nyengkaum Kaban Kunsil Nengeri (ADUN) Batang Ai Malcolm Mussen Lamoh enggau bini iya sereta Datuk Seri Edmund Langgu.
Naka ke diatu semua atur ngubur iya bedau dipadah sida sebilik, laban agi nganti bala kaban belayan bukai datai ari jauh enggau semak.
Tang taja pia, bala mayuh ke deka nemu pasal penerang tu enggau silik, tau betelefon ngagai lumor 082-453704 tauka bejaku enggau bini Laja empu (Fanny), ba lumur 019-4538872 tauka deka ngabas sida sebilik, nuju rumah: No: 60A, Lorong 5, Jalan Kampung Tabuan Dayak, 93350 Kuching.
Entara pemesai ke bisi ngabas sida sebilik kemari, iya nya Kaban Kunsil Nengeri (ADUN Batang Ai) Malcolm Mussen Lamoh eng­gau bini iya, Dorothy Pungga, Datuk Seri Edmund Langgu enggau Konsulat Indonesia ba Kuching, iya nya Pak Joko Su­prapto enggau bini iya.
- UB

0 comments:

Sharing